Weekend Max Mara -ს თრენჩი მარადიული კლასიკაა, რომელიც სეზონიდან სეზონამდე თამამად შეგიძლიათ ატაროთ. თავისი არაფორმალური ხასიათით ის ნებისმიერი სიტუაციისთვის საუკეთესო არჩევანია, იქნება ეს: პარკში სეირნობა, განტვირთვა თუ მეგობრებთან საუბარი, ქალაქის ხმაურისა და ყოველდღიური რუტინისგან თავის დაღწევა და,თუნდაც მოკლე დროით, ბუნებაში “გაქცევა”.
გაზაფხულის მოსვლასთან ერთად, Weekend Max Mara ლაბადების კოლექციას ახლებურად წარმოგვიდგენს, სადაც ერთმანეთს აბალანსებს ბრენდის ტრადიციული ხედვა და თანამედროვე მიდგომები.
კოლექციაში წარმოდგენილია: ულტრა მოკლე, მოკლე და გრძელი თრენჩები, თითოეული მათგანი კი გამორჩეული დეტალებითაა გაფორმებული, როგორებიცაა: წელის ქამრები, ქუდები, ზარის ფორმის სახელოები, ბამბის გაბარდინის და მატყლის კომბინაციები. კოლექციის განსაკუთრებული მოდელი კი ორმხრივი მოსასხამია, რომლის ზურგს წარწერა “Weekend” ამშვენებს, კიდეებს კი დეკორატიული ლენტები მიუყვება.
Weekend Max Mara -ს ლაბადები წყალგაუმტარია, რაც სტილთან ერთად მათ ფუნქციურ მნიშვნელობას ანიჭებს, ეს კი ამ კოლექციას ბუნებაში მოგზაურობის შეუცვლელ კომპონენტად აქცევს.
