ჩვენი გამომწერებისთვის უკვე ცნობილია ის ფაქტი, რომ ESMOD International, მსოფლიოში წამყვანი ფრანგული მოდის სკოლა ბიზნესის და ტექნოლოგიების უნივერსიტეტთან (BTU) გაფორმებული ხელშეკრულების საფუძველზე საქმიანობას საქართველოში იწყებს. პირველი სასერტიფიკატო კურსი “Fashion Marketing” ოფიციალურად მარტიდან გაიხსნება, თუმცა კურსამდე, 17 მარტს, Esmod და BTU გთავაზობთ ალბან ადამის მასტერკლასს “მოდის კომუნიკაცია ციფრულ ეპოქაში: სიმბოლოები, ნიშნები და ისტორიები”,რომელიც განკუთვნილია იმ ადამიანებისთვის, ვისაც აინტერესებს მოდის კომუნიკაცია, PR-ი და ბრენდინგი და სურს გაიგოს, როგორ ქმნიან წამყვანი ბრენდები ძლიერ და დასამახსოვრებელ ამბებს.
ალბან ადამი თანამშრომლობდა ისეთ ბრენდებთან, როგორიცაა: Balenciaga, Disel, Mugler. ამიტომ მისი მასტერკლასი საშუალებას მოგცემთ შეისწავლოთ, როგორ ყალიბდება თანამედროვე მოდის კომუნიკაცია ციფრულ გარემოში და მოისმინოთ მისი საინტერესო გამოცდილება ისეთ თემებზე, როგორებიცაა: ბრენდის დამაჯერებელი ნარატივების, სიმბოლოებისა და სტრატეგიების შექმნა.
მასტერკლასზე რეგისტრაცია უკვე დაწყებულია, ის 17 მარტს 17:00 საათზე გაიმართება, კარი კი ოფიციალურად 16:00 საათზე გაიხსნება. ბილეთების შეძენას შეძლებთ Tkt.ge -ზე.
