გავრცელდა ჭორები იმის შესახებ, რომ დონატელა ვერსაჩე თებერვლიდან Versace-ს კრეატიული დირექტორის პოსტს აღარ დაიკავებს და მიუხედავად იმისა, რომ ეს ჭორი არც კომპანიას და არც თვითონ დიზაინერს ჯერ არ დაუდასტურებია, საზოგადოება ამ ამბავს აქტიურად განიხილავს, დონატელას მიერ ბოლოს გამოქვეყნებულ პოსტს ინსტაგრამზეც სწორედ ამ ჭორს უკავშირებენ.
View this post on Instagram
დონატელა ვერსაჩე ბრენდის შემოქმედებითი დირექტორის პოსტს უკვე ათწლეულებია იკავებს, ჯერ კიდევ იმ დროიდან, სანამ ვერსაჩეს ოჯახი ბრენდს გაყიდდა და გადაწყვეტილების მიღების უპირატესობას დათმობდა. მიუხედავად ბრენდის გაყიდვისა, დირექტორთა საბჭოში ვერსაჩეს ოჯახის წარმომადგენლები კვლავ იკავებენ თანამდებობეს, სწორედ ამიტომ საზოგადოება აქტიურად საუბრობს იმაზე, რომ დონატელას კრეატიული დირექტორის პოსტიდან წასვლა Versace-დან მის სრულ იზოლაციას არ გამოიწვევს, თუმცა მეორე მხრიდან განიხილება ის ფაქტიც, რომ დონატელას და Capri Holdings-ის გენერალურ დირექტორს, ჯონ აიდოლს შორის იყო დაძაბული სიტუაცია, ბრენდის სტრატეგიის განვითარების შესახებ, რამაც აღნიშნული გადაწყვეტილება გამოიწვია.
View this post on Instagram
საზოგადოება ასევე აქტიურად საუბრობს იმ ფაქტზე, რომ მაღალი მოდის სახლებში კრეატიულ ნაწილში ჩართულობა დღეს დღეობით იქცა დამქანცველ პროცესად, ბრენდების ზრდასთან ერთად კი 90-იან და 2000-იან წლებში აღიარებული დიზაინერები კრეატიული დირექტორების პოსტებს აქტიურად ტოვებენ.
View this post on Instagram
ჯერ-ჯერობით დონატელას Versace-დან წასვლა დადასტურებული ინფორმაცია არ არის, თუმცა ვარაუდია იმის შესახებ, რომ მილანის მოდის კვირეულზე ეს ინფორმაცია უკვე გასაჯაროვდება, ჩვენ კი მოუთმენლად ველით ახალ ინფორმაციას, რომელსაც, რა თქმა უნდა, დაუყოვნებლივ გაგიზიარებთ.
ტექსტი: მარიამ ბექაური
