2025 წლის ოქროს გლობუსის დაჯილდოება შედგა და ჰოლივუდის უცხოური პრესის ასოციაციამ გამარჯვებულები გამოავლინა. წლევანდელ ოქროს გლობუსზე დომინანტობა არ დაუთმია ფილმს “The Brutalist” და წლის საუკეთესო დრამის ნომინაციაში გამარჯვება მოიპოვა.
Photo: CBS
ქალის საუკეთესო როლისთვის დრამის კატეგორიაში ჯილდო მიიღო ფერნანდა ტორესმა, ფილმისთვის “I’M STILL HERE”, ხოლო მამაკაცების კატეგორიაში გამარჯვებული გახდა ედრიან ბროუდი “THE BRUTALIST”-ში შესრულებული როლისთვის.
Photo: CBS
საუკეთესო რეჟისორად დასახელდა ბრედი კორბეტი ფილმისთვის “THE BRUTALIST”.
Photo: CBS
ფილმი “Emilia Pérez” გამარჯვებული გახდა ნომინაციაში “საუკეთესო მხატვრული ფილმი- კომედია ან მიუზიკლი”. ამ ჟანშრში საუკეთესო ქალი მსახიობის ნომინაციაში გაიმარჯვა დემი მურმა ფილმისთვის “THE SUBSTANCE” , ხოლო მამაკაც მსახიობებში ოქროს გლობუსი დაიმსახურა სებასტიან სტენმა, ფილმისთვის “A DIFFERENT MAN”.
Photo: Getty Images
“Flow” წლის საუკეთესო ანიმაციად დაასახელეს.
Photo: “Flow”
უცხოური ფილმებიდან ნომინაციაში “საუკეთესო არა ინგლისურენოვანი მხატვრული ფილმი” გაიმარჯვა “Emilia Pérez, ხოლო ფილმში შესრულებული როლისთვის კარიერაში პირველად მოიპოვა ოქროს გლობუსი ზოე სალდანამ, ნომინაციაში “საუკეთესო ქალი მსახიობი მეორეხარისოვან როლში”. მამაკაცების შემთხვევაში, ამავე ნომინაციაში ჯილდო მოიპოვა კირან კალკინიმ, “A REAL PAIN”-ში შესრულებული როლისთვის
Photo: Rich Polk/GG2025/Penske Media via Getty Images
გასული წლის რჩეული სატელევიზიო შოუების ტრიუმფატორები გახდნენ: “Shogun”- დრამის კატეგორიაში, ხოლო “Hacks”- მიუზიკლის და კომედიის კატეგორიაში.
Photo: Hilary Bronwyn Gayle/Max
მნიშვნელოვანი ჯილდო მოიპოვეს მომღერალმა ტრენტ რეზნორმა და ატიკუს როსმა ნომინაციაში “საუკეთესო ორიგინალური სიმღერა”, ფილმისთვის “CHALLENGERS”.
ტექსტი: მარიამ ბექაური
