მოდის და ხელოვნების სფეროში წლის მთავარი ღონისძიება Met Gala ტრადიციულად მაისის პირველ კვირაში გაიმართება. ღონისძიების ორგანიზატორების სია და თემატიკა უკვე ცნობილია და ის დაკავშირებულია ფერადკანიანი მამაკაცების სტილის ისტორიულ თუ კულტურულ ევოლუციასთან.
Photo: Taylor Hill/WireImage
დადასტურებული ინფორმაციით Met Gala-ს თემატიკაა : Superfine: Tailoring Black Style, რომელიც ინსპირირებულია მონიკა მილერის წიგნით “ Slaves to Fashion: Black Dandyism and the Styling of Black Diasporic Identity”, ხოლო წლის მთავარი ღონისძიების ორგანიზატორები იქნებიან: ამერიკელი მომღერალი ფარელ უილიამსი, ბრიტანელი მრბოლელი ლუის ჰამილტონი, რეპერი ეისაპ როკი, ყველასთვის საყვარელი კალათბურთელი ლებრონ ჯეიმსი და მსახიობი კოლმან დომინგო.
Photo: Getty Images
წლის მთავარი ღონისძიების სტუმრების სრული სია ჯერ-ჯერობით ცნობილი არაა, თუმცა აღსანიშნავია, რომ რიანამ, რომელმაც 2024 წლის Met Gala გამოტოვა წლევანდელ ღონისძიებაზე დასწრება უკვე დაადასტურა, ვარსკვლავს ჯერ არ გადაუწყვეტია რას ჩაიცვამს, თუმცა მისი განცხადებით იმედი აქვს, რომ ლუქის შერჩევაში მეწყვილე და Met Gala-ს თანაორგანიზატორი ეისაპ როკი დაეხმარება. აქვე ხაზგასასმელია, რომ ლებრონ ჯეიმსი Met Gala-ს პირველად დაესწრება, ღონისძიების მთავარი ორგანიზატორი კი ტრადიციულად ანა ვინტური იქნება.
Photo: Getty Images
ტექსტი: მარიამ ბექაური
