დგება დრო, როცა ყველაფერი მთავრდება – სრულდება ერთი ეტაპი და იწყება მეორე.
სწორედ ასეთი რამ ხდება ახლა ბრიტანულ Vogue-ში – მთავრდება რედაქტორ ედვარდ ენინფულის ეპოქა, რომელიც მართლაც იყო დასამახსოვრებელი, განსაკუთრებული და რომელმაც მოდის მოყარულებს არაერთი ულამაზესი გარეკანი და ისტორია აჩუქა Vogue-ს ფურცლებიდან.
ედვარდი ბრიტანული Vogue-ს რედაქტორად თითქმის 7 წელი მუშაობდა. ამ დროის განმავლობაში გამოცემის გარეკანზე 153 ვარსკვლავი ვნახეთ და ბოლო სარედაქტორო ნომრისთვის მან ამ 153-დან 40 განსაკუთრებული ქალი შეარჩია და ყველა მათგანის ფოტო მარტის ნომრის გარეკანზე დაბეჭდა.
სინდი კროუფორდი, ნაომი კემპბელი, კრისტი ტარლინგტონი, ლინდა ევანგელისტა, მაილი საირუსი, ვიქტორია ბეკჰემი, დუა ლიპა – ეს არასრული ჩამონათვალია იმ ქალების, რომლებსაც Vogue-ს გარეკანზე ვხვდებით.
გადაღება ნიუ-იორკში, მოდის ლეგენდარული ფოტოგრაფის, სტივენ მეისელის სტუდიაში გაიმართა.
