ელეგანტური, დახვეწილი და მაღალხარისხიანი – ეს, სწორედ ის 3 მთავარი კომპონენტია, რისი მეშვეობითაც თაკო ჩხეიძემ ბრენდის ნიშა დაამკვიდრა და უკვე 4 წელია წარმატებით პოზიციონირებს ბაზარზე.
PHOTO ALEKSANDRE SARDANADZE
STYLING NINIA PAPIDZE
MODELS GEOMODELS AGENCY
LOCATION MOMA TBILISI
სამოსი, რომელიც უძლებს დროს
Blooms-ის ერთ-ერთი უპირატესობაა, რომ ის ორიენტირებულია გამორჩეული ხარისხის სამოსის შექმნაზე საქმიანი ქალებისთვის, რომელთათვისაც კომფორტთან ერთად, ხარისხიც და სტილიც ძალიან მნიშვნელოვანია.
საოფისე ჩაცმულობიდან დაწყებული, საღამოს წვეულებებით დასრულებული Blooms-ის კოლექციიდან ნებისმიერი ეგზემპლარი ერთდროულად ეფექტურია ნებისმიერ სიტუაციაში.
Blooms-ის გაზაფხული 2023
ბრენდის საგაზაფხულო კაფსულა კოლექციაში თქვენ შეხვდებით უნიკალურ ქსოვილებს და ფერთა გამორჩეულ პალიტრას. ასევე ვინტაჟური ღილებით გაწყობილ ხელნაკეთ, ნაქსოვ ზედებსა და მოსაცმელებს, ასევე აბრეშუმის აქსესუარებს.
თაკო ჩხეიძე: ჩემი მთავარი ინსპირაციის წყარო ბუნებასთან ჰარმონიული ურთიერთობაა. ყველაფერი, რაც ბუნებრიობასთან ასოცირდება ძალიან ახლოს არის ჩემს დღევანდელ განწყობასთან.