თოვლის და თხილამურების მოყვარულების სეოზონი ოფიციალურად გაიხსნა, რის პარალელურადაც სოციალურ ქსელებში აქტიურად ვრცელდება მსოფლიო ვარსკვლავების თუ ინფლუენსერების ფოტოები ზამთრის კურორტებიდან.
მიმდინარე სეზონის ლუქებში აქტიურად ვხვდებით, როგორც ნეიტრალურ (თეთრი, კრემისფერი, შავი და ა.შ), ასევე კაშკაშა ფერებს. ზამთრის კურორტების სტილის მთავარი ნიშა სიმარტივე და კომფორტია, რომელიც მაქსიმალურადაა მორგებული მოდის თანამედროვე ტენდენციებს.
მსოფლიო ვარსკვლავების კონტენტი ნამდვილ ინსპირაციად იქცევა თქვენთვის. მაგალითად თოვლის ფონზე მოკაშკაშე სარა სამპაიო წითელი სამოსით.
სეზონს იდეალურად ერწყმის ჰანა შონბერგის და კლერ როუზის თეთრი სათხილამურო ტანსაცმელი. თუ წლების წინ სათხილამურო სამოსს მხოლოდ ფუნქციური დანიშნულება ჰქონდა, დღეს ის არაჩვეულებრივად გამოხატავს ადამიანების სტილს.
კოლორადოდან გვიზიარებს ფოტოებს ცნობილი ამერიკელი მოდელი ტეილორ ჰილი, რომლის დახვეწილი და ელეგანტური სტილი სპორტულ სამოსშიც იგრძნობა.
ასევე კოლორადოში ატარებს ზამთარს ყველასთვის საყვარელი ქენდის სვეინპოლი, რომელიც სეზონზე ნეიტრალურ ფერებს ანიჭებს უპირატესობას, თუმცა უნდა ვაღიაროთ, რომ თეთრი ფერი თოვლს განსაკუთრებით უხდება და კიდევ უფრო განსაკუთრებულია თუ ის ქენდისს აცვია.
ზამთრის მოყვარულთა სიაში მოწინავე ადგილის იკავებს კიარა ფერანი, რომელიც სეზონის კონტენტს ყველაზე აქტიურად უზიარებს გამომწერებს. კიარას შემთხვევაში ვხვდებით როგორც ნეიტრალურ, ნაკლებად თვალშისაცემ ლუქებს, ასევე საპირისპიროს. ალბათ არ გაგვიკვირდება, კიარას საყვარელი ლეოპარდის პრინტი, რომელიც სათხილამურო სეზონის ტანისამოსშიც ფიგურირებს.
განსხვავებული ფორმების და ფერების მიუხედავად ხაზგასასმელია, რომ სეზონზე ძალიან აქტუალურია სათხილამურო კომბინეზონები. გასული სეზონებისგან განსხვავებით, ოვერსაიზ ქურთუკები ტანზე მომდგარმა ქურთუკებმა ჩაანაცვლა, რაც სხეულის ფორმებს უფრო კარგად გამოკვეთს. ასევე აქტიურად ვხვდებით სპორტულ ფეხსაცმელს და ტანსაცმელი, რომელიც ასევე კარგად გამოკვეთს სხეულის ფორმებს.
და თქვენთვის რომელი ლუქი იქცა ინსპირაციის წყაროდ?
ტექსტი: მარიამ ბექაური
