გასული წლის ყველაზე ტრენდული და მოთხოვნადი ბურგუნდიული ღვინისფერი, წელს შოკოლადისფერმა ტონალობებმა ჩაანაცვლა. “Mocha Mousse” 2025 წლის მთავარ ფერად დაასახელა Pantone-მა. აღნიშნული ფერის ტონალობებს უკვე აქტიურად ვხვდებით ცნობილი მოდის სახლების კოლექციებში, ვარსკვლავების თუ ინფლუენსერების ყოველდღიურ სტილში და მასშტაბურ ღონისძიებებზე.
Claire Rose Cliteur
შოკოლადისფერი განსაკუთრებით მოუხდა შემოდგომა-ზამთრის კოლექციებს, ამ ფერმა თითქოს სითბო აჩუქა სეზონს. ბუნებრივმა ელეგანტურობამ და დახვეწილმა ტონებმა საზოგადოების ყურადღება მალევე მიიქცია და შოკოლადისფერი წლის ტრენდად აქცია. ფერი აქტიურად ფიგურირებს არა მხოლოდ ტანისამოსში, არამედ ფეხსაცმელსა და აქსესუარებში. ალბათ არავის დარჩენია ყურადღების მიღმა, წლის ყველაზე ტრენდული შოკოლადისფერი ჩანთა The Row-ს კოლექციიდან.
Getty Images Entertainment
შოკოლადისფერი ტონების ტენდენციას ვხვდებით ყველგან დაწყებული Fast Fashion ბრენდებით და დამთავრებული საერთაშორისოდ ცნობილი მოდის სახლებით. მაგალითათ 2024 წლის “Governor Awards”-ის დაჯილდოვებაზე, ყველასთვის ცნობილი მსახიობი ჯენიფერ ლოურენსი Bottega Veneta-ს შოკოლადისფერი კაბით წარსდგა.
JACOPO M. RAULE//GETTY IMAGES
ასევე Bottega Veneta-ს კოლექციიდან შეარჩია კაბა კენდალ ჯენერმა, რომელიც მილანის Fashion week-ზე მოირგო და ალბათ ბევრი ადამიანისთვის იქცა აღნიშნული ფერის ტანისამოს ინსპირაციად.
Katyafayer
Rosie Huntington- Whiteley
შოკოლადისფერი ტანისამოს, აქსესუარის თუ ფეხსაცმლის პოპულარობა განაპირობა ინფლუესერთა მკაფიო ჩართულობამ ამ ტენდენციის გარშემო. მაგალითად ალექს რივიერი, კლერი როუზი, ჰანა შონბერგი და სხვა ინფლუენსერები აქტიურად გვიზიარებენ ფოტო და ვიდეო კონტენტს შოკოლადისფერი ლუქებით.
Alex Riviere- Sieber
Claire Rose Cliteur
ამ ფერის დეტალები გვხვდება ასევე, ჰეილი ბიბერის და ბელა ჰადიდის ბოლო პერიოდში გამოქვეყნებულ ფოტოებში.
Hailey Baldwin Bieber
Bella Hadid
აღსანიშნავია ის ფაქტიც რომ შოკოლადისფერის სხვადასხვა ტონალობებს კოლექციებში აქტიურად იყენებენ ისეთი ბრენდები, როგორებიცაა: Prada, Ferragamo, Burberry, Gucci, Miu Miu და სხვა. აღნიშნული ბრენდების კოლექციები კი ხაზს უსვამს იმ ფაქტს, რომ შოკოლადისფერი ტანისამოსი ერგება, როგორც ყოველდღიურობას, ასევე გამორჩეულ დღესასწაულებს თუ ღონისძიებებს.
ტექსტი: მარიამ ბექაური
