დღეს პრეზიდენტის ტრამპის ინაუგურაცია რიგით მეორედ შედგა. ტრადიციულად ინაუგურაციის ცერემონია კაპიტოლიუმის შენობის წინ იმართება, თუმცა უამინდობიდან გამომდინარე ტრამპის სურვილით ინაუგურაცია ღონისძიება შენობის შიდა სივრცეში გადაიტანეს, რაც 1985 წლის შემდეგ პირველად მოხდა.
View this post on Instagram
მოდის მოყვარულები განსაკუთრებული ინტერესით ელოდნენ პირველი ლედის, მელანია ტრამპის გამოჩენას და მის მიერ შერჩეულ სამოსს. მელანიას კი ტრადიცია არ დაურღვევია და მისთვის დამახასიათებელი ელეგანტური სტილით წარსდგა ცერემონიაზე. მან Adam Lippes -ის მუქი ლურჯი მოსაცმელი მოირგო, რომელსაც მეტი დრამატულობისთვის Eric Javits -ის ქუდი შეუხამა.
View this post on Instagram
ინაუგურაციის ცერემონიას უამრავი მოწვეული სტუმარი დაესწრო, რომელთა შორის იყვნენ: ყოფილი პრეზიდენტები და მათი მეუღლეები, ვიცე პრეზიდენტი კამალა ჰარისი, ბიზნესმენები და ისეთი ცნობილი პლატფორმების შემქმნელები, როგორებიც არიან: Meta-ს მარკ ცუკენბერგი, Amazon-ის ჯეფ ბეზოსი, Tesla-სა და SpaceX-ის ილონ მასკი, Apple-ის ტიმ კუკი და ა.შ. ცერემონიას გამოაკლდა ყოფილი პრეზიდენტის ბარაკ ობამას მეუღლე, მიშელ ობამა, რომელმაც ინაუგურაციაზე არ დასწრების მიზეზი არ დაასახელა.
View this post on Instagram
საზოგადოებას ყურადღება მიიქცია ყოფილმა პირველმა ლედიმ, ჯილ ბაიდენმა რომელიც ინაუგურაციის ცერემონიაზე Ralph Lauren-ის კაბით წარსდგა. დონალდ ტრამპის უფროსმა ქალიშვილმა ივანკა ტრამპმა ელეგანტურ მუქ მწვანე ორეულს Lady Dior-ის ყველასთვის ცნობილი ჩანთა შეუხამა. მისთვის დამახასიათებელი კლასიკური ჩაცმულობა და მუქი ფერები შეარჩია ვიცე პრეზიდენტმა კამალა ჰარისმა, ახლად არჩეულმა ვიცე- პრეზიდენტის მეუღლემ, უშა ვანსმა კი ნათელ ფერებს მიანიჭა უპირატესობა და ღია ვარდისფერი მოსაცმელი შეარჩია.
View this post on Instagram
ტრამპის ფიცის დადების ცერემონია მუსიკალურად გააფორმეს ქანთრი მუსიკის ვარსკვლავმა ქერი ანდერვუდმა და ოპერის მომღერალმა ქრისტოფერ მაკიომ.
