ჟურნალმა “ნარგისმა” პარტნიორი კომპანიების მარკეტინგისა და მედიის სფეროში მოღვაწე პროფესიონალებს უმასპინძლა, რომელიც Argentinian Steakhouse by Gastronome-ში გაიმართა.
ღონისძიებაზე კომპანიამ თავისი 10-წლიანი წარმატებული გამოცდილება და სამომავლო გეგმები გააცნო სტუმრებს. “ნარგისი” უკვე ათი წელია, საქართველოში წამყვან მედიაპლატფორმად ჩამოყალიბდა და სთავაზობს მომხმარებლებს მრავალფეროვან, მაღალი ხარისხის სერვისებს.
ღონისძიებაზე ჟურნალის მთავარმა რედაქტორმა, თაკო ჩხეიძემ, სიტყვით მიმართა საზოგადოებას და აღნიშნა, რომ “ნარგისი” აქტიურად განაგრძობს მედიისა და ციფრული მარკეტინგის ინდუსტრიაში ინოვაციების დანერგვას.
მის სიტყვას შეუერთდნენ ჟურნალის თანადამფუძნებლები და რედაქტორები ნინო დიასამიძე და დათა ალექსეევი, რომლებმაც დამსწრე საზოგადოებას “ნარგისის” განვითარების ახალი ეტაპები გააცნეს.
დათა ალექსეევმა სპეციალურად მომზადებული პრეზენტაციით ყურადღება გაამახვილა ჟურნალის განახლებულ ვებგვერდსა და ახალ მობილურ აპლიკაციაზე. მისი თქმით, ეს პლატფორმები მომხმარებლებს სთავაზობს არა მხოლოდ მაღალი ხარისხის კონტენტს, არამედ მოქნილ და ეფექტურ სარეკლამო სერვისებსაც.
ახალი ვებგვერდი და აპლიკაცია მაქსიმალურად ოპტიმიზირებულია კომერციული მიზნებისთვის და განკუთვნილია ბრენდებისთვის მულტიფუნქციური სარეკლამო შესაძლებლობების შესათავაზებლად.
ჟურნალ “ნარგისი” განაგრძობს ციფრული ეკოსისტემის განვითარებას, რაც მოიცავს როგორც მისი პრინტ გამოცემების მუდმივ განახლებას, ასევე ციფრული სერვისების გაფართოებას. ნარგისის ახალი აპლიკაცია მომხმარებლებს შესაძლებლობას მისცემს, უშუალოდ მიიღონ წვდომა კონტენტზე და ისარგებლონ ინოვაციური მარკეტინგული ინსტრუმენტებით, მათ შორის, აფილეიტ ლინკებით, რომლებიც ქმნის ახალ კომერციულ შესაძლებლობებს როგორც მედიის, ისე ბრენდების წარმომადგენლებისთვის.
