ესპანეთის დედოფალი- ლეტიცია ორტისი ყოველთვის გამოირჩევა დახვეწილი სტილით, რომელიც არავის რჩება ყურადღების მიღმა. ალბათ დაგვეთანხმებით, რო დედოფალი ლეტიცია ყოველდღიურობაში არაჩვეულებრივად ახერხებს ელეგანტურობის და პრაქტიკულობის დაბალანსებას. მისი გარდერობი ნამდვილად შეგვიძლია მივიჩნიოთ ქალბატონების უმრავლესობისთვის სასურველ გარდერობად, რომელიც სავსეა როგორც ცნობილი მოდის სახლების თუ დიზაინერების ნამშევრებით, ასევე უბრალო მაღაზიებში აღმოჩენილი სამოსისთ.
საინტერესოა როგორ ახერხებს დედოფალი მუდამ ელეგანტურად გამოიყურებოდეს? – თუ მის სტილს დავაკვირდებით აუცილებლად აღმოვაჩენთ რამდენიმე მნიშვნელოვან დეტალს, რომელიც მის ლუქებს მუდმივად დახვეწილ ელფერს სძენს. პირველ რიგში კი ეს ფერთა პალიტრა იქნება. ლეტიცია არასდროს ერიდება მკვეთრი ფერების გამოყენებას, პირიქით მის გარდერობში ალბათ ყველაზე ხშირად ვხვდებით წითელი ფერის უამრავ ტონალობას, რომელსაც არაჩვეულებრივად ირგებს. მნიშვნელოვანია, რომ დედოფალი მკვეთრი ტონალობების სამოს ნეიტრალურ აქსესუარებს უხამებს და საბოლოო ჯამში იქმენება დაბალანსებული, ელეგანტური და ნაკლებად გადატვირთული ლუქი.
დედოფალი ლეტიცია ასევე ხშირად ჩნდება პრინტიანი და ნაქარგებიანი სამოსით, განსაკუთრებით კი კაბებითა და ქვედაბოლოებით. ქვედაბოლოების შემთხვევაში დედოფალი მუდმივად ნეიტრალურ ზედებს ირჩევს, რადგან ლუქი არ გადატვირთოს და დახვეწილი ვიზუალი არ დაუკარგოს. რაც შეეხება კაბებს, თუ ლეტიცია პრინტიან ან ნაქარგიან კაბას იცვამს მისი აქსესუარები და ფეხსაცმელი აუცილებლადაა მარტივი და ნეიტრალური.
დედოფალი ლეტიციას სტილი არაჩვეულებრივად გამოხატავს მონარქისთვის საჭირო თავდაჯერებულობას. მისი ჩაცმულობა ერთდროულად ერგება ტრადიციულ ნორმებს და თანამედროვე ესთეტიკას და მკაფიოდ გვაჩვენებს, რომ სტილი მხოლოდ სამოსის მორგება არ არის- ის თვითგამოხატვის შესანიშნავი საშუალებაა, რომელიც დროს უძლებს და შთააგონებს სხვა ადამიანებს.
