საინტერესოა რა ასოციაციას იწვევს თქვენთვის კუბოკრული ქსოვილისგან შექმნილი ქვედაბოლოები? – დარწმუნებული ვართ, ეს სკოლის უნიფორმა, პანკ სტილი ან 90-იანი წლების ერთ-ერთი ცნობილი ფილმი “Cluieless” -ია. ტრენდები ცვალებადია და ამას ყოველი სეზონი ამტკიცებს, თუმცა “ყველაფერი ახალი კარგად დავიწყებული ძველია” და ეს ფაქტია- 90-იანი და 2000-იანი წლების საკულტო, შოტლანდიური კილტით ინსპირირებული ქვედაბოლოები კვლავ დაბრუნდა და 2025 წლის ქუჩის სტილის ერთ-ერთი მთავარ ტრენდად იქცა.
კუბოკრული ქსოვილი ყველგანაა: ჩვენს გარშემო, ქუჩაში, სოციალურ ქსელებში. საზოგადოება აქტიურად ეძებს შოტლანდიური ქვედაბოლოების დიზაინის ინსპირაციას საარქივო კოლექციებში. გარშემო აქტიურად ვხვდებით საერთაშორისო ბრენდების ძველი და ახალი კოლექციების კობოკრულ ქვედაბოლოებს: Saint Laurent, Isabel Marant, Loewe, McQueen, Rabanne და სხვა.
საინტერესოა ის, რომ 90-იან და 2000-იან წლებში დიდი პოპულარობით სარგებლობდა მინი ქვედაბოლოები, თუმცა 2025 წლის ქუჩის სტილში უამრავ განსხვავებულ ფორმას, ქსოვილს თუ ფერს ვხვდებით: მოკლე, გრძელი, სიმეტრიული, ასეიმეტრიული, სადა, სხვადასხვა დეტალით გაფორმებიული და ა.შ.- თანამედროვე დიზაინერები თითქოს თამაშობენ ტრადიციული ნიმუშებით და მათ ახალ დინამიკას აძლევენ. თუ 90-იან წლებში მსგავსი სტილი ძირითადად ახალგაზრდებს ხიბლავდა, ჩვენს თანამედროვეობაში მან განსხვავებული ელეგანტურობა შეიძინია – დღეს ქალბატონები კუბოკრულ ქსოვილებს ირგებენ, როგორც ყოველდღიურობაში, ასევე მნიშვნელოვან შეხვედრებზე თუ ღონისძიებებზე.
საინტერესოა რამ განაპირობა ქვედაბოლოების ასეთი პოპულარობა? გარდა იმისა, რომ ჩვენთვის გამორჩეულად საყვარელმა ბრენდებმა მათი განსხვავებული ვარიაციები შემოგვთავაზეს, აღსანიშნავია, რომ შოტლანდიური კილტით ინსპირირებულ კაბებს აქტიურად ვხვდებით საერთაშორისო ვარსკვლავების, მოდის ბლოგერების თუ სხვა ინფლუენსერების გარდერობში: ტეილორ სვიფტი, ბელა ჰადიდი, ალექსა ჩანგი, ჰეილი ბიბერი- ეს მხოლოდ მცირე ჩამონათვალია იმ ვარსკვლავების, რომელთა სტილშიც მკაფიოდ იგრძნობა კუბოკრული ქსოვილის მიმართ დადებით განწყობა.
დაბოლოს, გვსურს აღვნიშოთ, რომ კუბოკრული ქვედაბოლოების პოპულარობა არ არის სეზონური “ახირება” , ეს ტენდეცია თანაბრად ეყრდნობა ნოსტალგიური მოტივებს და თანამედროვებას, რომელიც იდეალურად ერგება როგორც ყოველდღიურ სტილს, ისე გამორჩეულ საღამოებს.
