საინტერესოა, თქვენთვის რომელი სეზონი ასოცირდება ფილმების საღამოსთან? მიუხედავად იმისა, რომ სასიამოვნო ფილმის ნახვა ნებისმიერ სეზონზე დადებითი ემოციებით გვავსებს, შემოდგომას კინო თითქოს განსაკუთრებით უხდება. სუსხიანი ჰაერი, ოქროსფერი ფოთლებით სავსე ქუჩები, პლედი, თბილი სასმელი და მყუდრო გარემო – რა შეიძლება წარმოიდგინოთ ამაზე უკეთესი? დიახ, ასეთ დროს ფილმის ნახვას ნამდვილად სხვანაირი ხიბლი აქვს. თუმცა, გარემოსთან ერთად მნიშვნელოვანია სიუჟეტიც სწორად შევარჩიოთ- გთავაზობთ 8 ფილმს, რომელიც შემოდგომის სუსხიან საღამოებს განსაკუთრებულად უხდება.
Sweet November
იშვიათია ადამიანი, ვისთვისაც შემოდგომა “ტკბილ ნოემბერთან” (Sweet November) არ ასოცირდება. შარლიზ ტერონისა და კიანუ რივზის პერსონაჟების გამორჩეული ამბავი ცვლის ჩვენს ხედვას ყოველდღიურობაზე და გვაჩვენებს დეტალებს, რომლებიც ხშირად უმნიშვნელოდ გვეჩვენება. სიუჟეტი შესაძლოა რთული და ემოციურია, თუმცა სწორედ ეს სიღრმე აძლევს მას უნიკალურობას. თბილი, ნაზი და გულში ჩამწვდომი ისტორია შემოდგომის სუსხიან საღამოს ნამდვილად განსაკუთრებულ ხიბლს მატებს.
October Sky
ალბათ დაგვეთანხმებით, რომ ფილმის შერჩევა ხშირად ჩვენს განწყობაზე და ხასიათზეა დამოკიდებული. თუმცა, არსებობს სიუჟეტები, რომლებიც თითქმის ყველა განწყობას იდეალურად ერგება – სწორედ ასეთია ჩარლზ გორდონის 1999 წლის ფილმი “ოქტომბრის ცა” (October Sky). ეს ბიოგრაფიული დრამა დაფუძნებულია ჰომერ ჰიკმანის ცხოვრების ისტორიაზე – მეშახტის შვილის გზა მეცნიერებამდე. ფილმში შესანიშნავადაა ასახული ადამიანის მიზანდასახულობა, ბრძოლა ოცნებების მისაღწევად და მეგობრებისა თუ ახლობლების მხარადაჭერის მნიშვნელობა.
Sweet Home Alabama
რომანტიული კომედიების მოყვარულებისთვის ნამვილად საუკეთესო არჩევანი იქნება “მშობლიური ალაბამა” (Sweet Home Alabama)- სიყვარულის ლამაზი ისტორია, თავისი სირთულეებით, ოჯახური კავშირები, წარსული რომელიც გავლენას ახდენს მომავალზე და მელანი კარმაიკელის არჩევანი, რომელიც ცვლის მის ცხოვრებას. თბილი, მსუბუქი და სასიამოვნო სიუჟეტი თქვენი შემოდგომის საღამოს ნამდვილას დადებითი ემოციებით აავსებს.
Autumn in New York
ამ სეზონზე რა შეიძლება იყოს ცენტრალ პარკის შემოდგომის ხედებზე უკეთესი სანახავი? განსაკუთრებით კი მაშინ, როდესაც ამ ხედებს ჰოლივუდის ლეგენდარული მსახიობების- რიჩად გირის და ვაინონა რაიდერის არაჩვეულებრივი პერსონაჟები ამშვენებენ. “შემოდგომა ნიუ-იორკში” (Autumn in New York) მოგვითხრობს გულწრფელ, მაგრამ სირთულეებით სავსე სიყვარულის ისტორიაზე, ამიტომ დაგვერწმუნეთ, რომ შემოდგომის რომანტიული საღამოსთვის “Autumn in New York” ნამდვილად ერთ-ერთი საუკეთესო არჩევანი იქნება, განსაკუთრებით კი მათთვის ვინც შეყვარებულია არა მხოლოდ კინო სამყაროზე, არამედ ნიუ-იორკის ოქროსფერი შემოდგომის ხედებზე.
Dead Poets Society
“მკვდარი პოეტების საზოგადოება” (Dead Poets Society) არის ფილმი, რომელიც ნებისმიერ სეზონზე აგავსებს მძაფრი ემოციების ნაკადით, თუმცა მაინც ვიტყვით, რომ შემოდგომის საღამო, პლედი, ცხელი სასმელი და ყველაზე კარგ ვარიანტში ბუხარი- ის ატმოსფეროა, რომელიც,ალაბთ, მაინც ყველაზე მეტად უხდება ამ ფილმს. რობინ უილიამსის პროფესიონალიზმი, მისი პერსონაჟი, რომელიც გაცნობისთანავე გაყვარებს თავს, ფილმის ემოციური სიუჟეტი და შემოდგომის მელანქოლიური ატმოსფერო ნამდვილად იდეალურ კომბინაციას ქმნის. ამიტომ თუ თქვენი ფილმების სიაში არის “მკვდარი პოეტების საზოგადოება”, დაგვერწმუნეთ ახლა მის სანახავად საუკეთესო დროა.
Legends of the fall
ეს ჩამონათვალი წარმოუდგენელი იქნება “შემოდგომის ლეგენდების” (LEGENDS OF THE FALL) გარეშე. მიუხედავად იმისა, რომ სათაურს აქ მხოლოდ სიმბოლური დატვირთვა აქვს, ფილმის სიუჟეტი ნამდვილად იდეალურად ერგება სეზონის მშვიდ საღამოებს. ადამიანური ბუნების დაფარული მხარე, ომის ფონზე განვითარებული მოვლენები, “აკრძალული” სიყვარულის ისტორია და გამორჩეულად ნიჭიერი ბრედ პიტი, რომელიც ნამდვილად ტრისტანის როლისთვის დაიბადა.
Autumn Sonata
შემოდგომის ჰარმონიული ფერებით გაჯერებული კადრები, მშვიდი მუსიკა და ინტიმური ატმოსფერო- შემოდგომის სონატა (Autumn Sonata) კიდევ ერთი ფილმია, რომელიც იდეალურად ერგება სეზონს. კლასიკური დრამა, რომელშიც მთავარ როლს უნიჭიერესი ინგრიდ ბერგმანი ასრულებს, მოგვითხრობს ისტორიას ოჯახურ ურთიერთობებზე, გონებაში დალექილ ემოციებსა და გაუხსნელ კონფლიქტებზე. ფილმი გვაფიქრებს იმაზე, თუ რამდენად საზიანო შეიძლება იყოს გამოუთქმელი გრძნობები და როგორ შეიძლება ამ ყველაფერმა გამოიწვიოს ჩვენთვის მნშვნელოვანი ურთიერთობების ნგრევა.
Alice in wonderland
ფენტეზის მოყვარულებისთვის “ალისა საოცრებათა ქვეყანაში” (ALICE IN WONDERLAND) იდეალური არჩევანია. ფილმს ერთდროულად მოაქვს ყველა სეზონის განწყობა, განსაკუთრებით კი ზაფხულის და შემოდგომის- საოცარი პერსონაჟები და ჯადოსნური სიუჟეტი ქმნის სრულყოფილ, ფანტასტიურ გარემოს მყუდრო საღამოსთვის.
შემოდგომა ნამდვილად იდეალური სეზონია ფილმების საღამოების მოსაწყობად, ეს კი დადებითად აისახება თქვენს განწყობაზე და აგავსებთ შთაგონებით.
დაბოლოს, თქვენთვის რომელი ფილმი ან სერიალი ასოცირდება შემოდგომასთან და რომელ მათგანს დაამატებდით ჩვენს სიას?
